VIDEO:Rais amemsimamisha kazi Mkurugenzi wa jiji la Dar es Salaam, Wilson Kabwe kufuatia shutuma za matumizi mabaya ya madaraka zilizoelekezwa kwake na Mkuu wa Mkoa wa Dar es Salaam, Paul Makonda aliyesema hawezi kufanya nae kazi.

Rais wa Jamhuri ya muungano wa Tanzania Dr. John Pombe Magufuli, ameiomba wizara ya ujenzi kubadilisha jina la Daraja la kigamboni na kuliita daraja hilo Daraja La Nyerere ili kumuenzi baba wa Taifa aliyekuwa na ndoto ya kujenga daraja hilo kabla ya uhuru wa Tanzania.

Rais ameyasema hayo wakati akizindua daraja hilo mchana wa leo katika eneo la kigamboni jijini Dar es salaam, ambapo Rais amewapongeza viongozi waliopita katika awamu ya nne kwa namna walivyoanzisha ujenzi wa daraja hilo wakati yeye akiwa waziri wa Ujenzi.

Wakati zoezi hilo likiendelea Rais amemsimamisha kazi Mkurugenzi wa jiji la Dar es Salaam, Wilson Kabwe kufuatia shutuma za matumizi mabaya ya madaraka zilizoelekezwa kwake na Mkuu wa Mkoa wa Dar es Salaam, Paul Makonda aliyesema hawezi kufanya nae kazi.

Kabwe akiwa Mkurugenzi Mkuu wa Jiji la Dar es Salaam anashutumiwa amehusika kwa kuiongezea kampuni ya utozaji ushuru wa parking jijini Dar es Salaam, pamoja na ongezeko la kiwango cha faini halali ya shs 20,000/=hadi shs 80,000/=kwa kila kosa la kuegesha gari vibaya, kuongeza muda wa mkataba  kinyemela pamoja na  tozo kwa kila mtu aingiapo katika kituo cha mabasi cha Ubungo ya sh 200/=isiyoeleweka inakopelekwa.

Daraja la kigamboni ambalo kwa sasa litaitwa daraja la Nyerere lina urefu wa mita 680 na barabara unganishi  upande wa Kurasini na Kigamboni zenye urefu wa kilometa 2.5 limeanza kujengwa mwaka 2012 na hii leo limezinduliwa rasmi na Rais kwa ajaili ya matumizi kwa wananchi, ambapo Rais ameeleza kuwa serikali imetoa asilimia 40 na asilimia 60 za gharama zimetolewa na shirika la hifadhi ya jamii NSSF. 

Unknown

Author & Editor

Naitwa Prince Emanuel, ni mtangazaji na muandaji wa vipindi kupitia Morning Star Radio na Morning Star Televesion Tanzania.